? أخبار وإشاعات: تسمع عن سالفة وينتشر الخبر..وتنشره بين ربعك والإخوات.. ويوم تي تبحث عن المصدر .. يطلع آخر شيء واتساب أمهات!
? رحلة إلى المطار: الناس اللي يسيرون المطار نوعين: ناس يسيرون بشنطهم ويعرفون إنهم بيركبون طيارة .. وناس يشلشلون عن ربعهم الشنط وآخرتهم يردون بالسيارة!
? سلفية مالية: قيل لبعض السلف .. بنحصل عندكم سلف؟؟
? تساؤل أخلاقي: إذا طاحت الميانة .. شو بيشلها؟؟
? أطباع بشرية: حد مثل محل أسكريم .. كل ما فيه يبرد عالقلب ، وحد مثل محل تدخين .. كل ما فيه يمرض القلب!
? نظرة على الحياة: الحياة حلوة .. بس مكياجها غش!
مخلوقات منقرضة: من زمان ما سيروا علينا .. بو الخشوم وأم النقيع!
? طرق وعناوين: ناس اتحيد الدروب من أول مرة .. وناس تلف وأدور وتضيع 100 مرة!
? وصلت الطائرة: يوم يسألك موظف الجوازات من وين راد..كل ما كانت البلاد أبعد كل ما زادت نسبة الخقة وانته تقولها!
? عباءة نسائية: ألحين العباة البيضاء وين يفصلونها ..عند خياط المشير ولا المدني؟؟
? الناس أجناس: هناك نوعان من الناس: نوع «الأنا» ونوع «باقي الناس»!
? رياضة واقعية: رياضة المشي عند البعض: من الصالة لين الثلاجة ومن الثلاجة لين الصالة!
? شهرة ورقية: ناس تعرف أساميها من إنجازاتها وتصدرها الصحف، وناس تعرف أساميها من قواطي ستاربكس عالطرف!
? زراعة شعر: اللي يقول تتمنى القرعة تربي زلوف..القرعة وصلت تركيا وشعرها للكتوف!
? أكل ومرعى: إذا كنت صاحب إصرار وعزيمة .. خبرنا عشان نبي ناكل ببلاش!
? ناس وناس: يا ريت الناس الزينة تي مع خاصية «تحديث» ، كل ما شفنا زينهم حدثناهم .. ويا ريت الناس الشينة تي مع خاصية «تفنيش»، كل ما شفنا شينهم حذفناهم!
? نية مبيتة: اللي ناولك نية .. ناوله يونية!
عدد اليوم
