12 يناير 2009 01:47
(الساعة الثالثة ظهرا في ستاد مجمع السلطان قابوس)
زليخة: موباغية انتي؟
أم صويلح: شو بلاج شفرتي؟
زليخة: وااااابوييي·· موباغية يعني ايش بغيتي·· وباللغة العربية ''ماذا تريدين؟''
ام صويلح: ما بغيت شي·· قومي عني·
زليخة: بلاش يا حرمة·· من دشينا الاستاذ ونتي محتشرة!
ام صويلح: صخي·
زليخة: شو بعد صخي؟
ام صويلح: هاي شفرة خاصة فينا·· نحن بعد نعرف نشفر·
زليخة: انتي مب صاحية·· موعندش؟
ام صويلح: صدقج·· احس عمري مب مرتاحة·· مب شي هالكراسي!
زليخة: لا تحطي على كراسي المدرج·· تراش متوترة وأمورش صعبة·
أم صويلح: ليش يعني؟
زليخة: واا لقعتكم اليوم··اقصد ''ياااااويلكم اليوم''!
أم صويلح: لا لقعة ولا شي·· إنتي شوفي تسديداتنا ماشالله على عيالنا·· بس وحليلهم ما ترقعوا·
زليخة: انا ما شفت شي·· بس اسمع صراخ جمهوركم من الخوف·
أم صويلح: غناتي·· نحن مب خايفين·· وحتى إذا خسرنا جدام الأخضر·· يكفي هالحضور الطيب·· وترى عيالنا يستاهلون نآزرهم·
زليخة: أشوفش ترسمي خط رجعة!
أم صويلح: صدق الله عوضني بفطوم·· نفس اللعانة·
(في اللحظات الأخيرة
من الشوط الثاني)
أم صويلح: يعني الصراحة ما يصير جي·· ما يصيييير؟!
زليخة: شو اللي ما يصير؟
أم صويلح: ما عرف·
زليخة: أنا اعرف·· بتموتين قهر من أحمد الفريدي وعبدالله الدوسري وناصر القحطاني·
أم صويلح: إذا مت·· تراني بموت منج·· بغيتج عون طلعتي فرعون·
زليخة: ام صويلح·· هونيها·· هاي كورة·· وكل شي يصير فيها·
أم صويلح: صدقج·· كل شي يصير فيها·
عدد اليوم
)
