الخميس 28 مارس 2024 أبوظبي الإمارات
مواقيت الصلاة
أبرز الأخبار
عدد اليوم
عدد اليوم

رسالة تلقائية

2 مايو 2018 23:20
إزيك يا أمي، عاملة إيه؟ واحشاني.. واحشني إخواتي التِّنين، بهانة وحسين. وحشاني اللمة على الطبلية، العلاوة والنملية، وكمان الزير، بيقولوا عليه هنا كولدير، ميته ساقعة وطعمها زين، وحشتني لمتنا وإحنا بنتدفى على نار القروانة، وتحكيلنا على الغولة والجنيّة أم راسين، نفسى في كوباية شاى على نار الكعروب، ده هنا عاملينه بفتلة، يظبط الدماغ يا دوب. أنا الحمد لله وصلت من أسبوعين، وشغلوني صحفي في مجلة اسمها «مخالف»، وإدوني يا مّايا 100 جنيه في أول يومين، اشتريت موبايل بكامرتين، وركبت المترو وصليت فى الحسين، ونزلت رمسيس واشتريت جزمة وشرابين، وللبت بهانة عروسة بتشتغل بحجرين. مش يا مايا خلصوا القرقوشات، ونزلت اشتري من الدكان اللي تحتينا، طلع اسمه بقسماط، قولي لأبويا ما يروحش للعمدة، عشان يشوف لى شغلانة، خلاص ده هنا بيقولوا لى «يا بيه». ادعي لي ربنا يكرمني، وأطلَّعك عمرة الحرمين، وتشوفي الكعبة وتزوري قبر النبي وتصلي ركعتين. عمرو أبوالعطا
جميع الحقوق محفوظة لمركز الاتحاد للأخبار 2024©