الجمعة 29 مارس 2024 أبوظبي الإمارات
مواقيت الصلاة
أبرز الأخبار
عدد اليوم
عدد اليوم

خضرة صبحتي يا أرض

7 مايو 2018 00:32
1 يا أرض... يا أرض قومي أتزهبي.... يا أرض فومي أتعطري... اليوم يومج يالعروس.... يوم القى.... احلى لقى بفارس مغوار حكيم.... متحزم بسنة نبي سما بسم ربد العباد...... وصلى على محمد وزاد من عقب مالاف البلاد.... وشاف أحوال العباد.... شواب وحريب شباب.... وصغار تنظرله بصبر رفع ايديه لربه ودعا..... أن ينصره في اللي دعا وبصافي النية بسط كفه الأبيض وقال.... وهو واقفاً وسط الرمال أشوف فالله وفيكم خير.... وبلادكم بتصبح غير.... وكفي إلى مديته لكم.. عهد علي ما يرد وانتو هلي وأهل الخير صاحت طبول... ودقت على الأرض الريول.... كلها حماس وعزم.... وفراسان من الفرحة تقول وشعب ينادي بعالي الصوت..... عاش زايد..... عاش زايد..... عاش زايد طش الخبر.... وبسرعه سرى مثل البرق.... يضرب بيبان البيوت..... يبشر العالم جميع... زايد ياي.... زايد ياي.... متسلح بقوة ايمان.... متحدي الزمان.... بكل الرهان.... أن الحلم... بعون الله... بيتحقق بدايتا من الإنسان. 2 يا أرض قومي أتزهبي...... ياأرض قومي ويببي.... عرسج عرس الاتحاد.... وزهبه ما صارت ولا كانت في تاريخ البلاد علم وعمل... وجنود تصنع هالامل بعزم زايد والرجال... ما في مجال.... ما في جدال.... مبدئهم مبني على التسامح.... والشورى بينهم عدل خضرة صبحتي يارض... خضرة صبحتي يالعروس....شامخة بين الدول وتعلمي العالم دروس... مبروك علينا فرحتج مبروك علينا طلتج... ويا أرض لاتنسين تخبرين وتكتبين... في صفحات تاريخ هالكون... بانج حلم.... تحقق بعزم ارجال... قادهم قايد حكيم ورحل... وسلم رايته لرجال على نهجه مكملين... خليفة وكلنا خليفة ومحمد ومحمد إلى فيهم زايد مازال... يكلمنا... ويرشدنا... وويصينا بوحدتنا... ويا أرض واجب ولازم تعرفين..... بأنج إرث وامانة.... محملة لأجيال... أنغرس حبهم فيج.... يفدون حبة اترابج... بروح ومال.... وكل الحال...يأغلى.... من دمنا لي سال.
جميع الحقوق محفوظة لمركز الاتحاد للأخبار 2024©