الجمعة 29 مارس 2024 أبوظبي الإمارات
مواقيت الصلاة
أبرز الأخبار
عدد اليوم
عدد اليوم
الرياضة

سكون الفرح

سكون الفرح
18 ديسمبر 2009 00:48
سلامة: خلاص عاد يدوووه!! مب حلوه حالتج وانتي زعلانة! فطوم: صج خالتي، أحس في شي غلط يوم أشوفج صاخة جي!! سلامة: يمكن عين صابت يدتي؟ فطوم: عشوووه؟ أم صويلح: يلي ما تستحين عويهج،، يعني انا مافيني شي يستاهل تيني عين؟ فطوم: أشوه يوم رد لسانج يطرق!! انا شكيت انج في غيبوبة. أم صويلح: هذا مب زعل يالأذكيه،، هذا فرح لكن بهدوء، وشكر على الخير الي نحن فيه. فطوم: ولللل، كل هذا عشان ميسي لعب؟ اخاف تتحرينه ياب جول عقب ما شافج!! سلامة: شو هالجول، سواها الساحر بس ترضية لهالناس الي متخبله عليه. حمود وحليله شو سوى؟!، انا خفت يستوي فيه شي. فطوم: حمود ولد فيصل!،، ابوه وداه؟؟ سلامة: لا امييه،، هذا خاله عبدالله يابه، وحليله والله، بس ماضن يدووه مستانسة من جي؟ أم صويلح: صج ونسني الجول واللعب الزين،، وخصوصا عقب ما قدرت اساعد ميسي في التخلص من عين امج، الي بغت تخرب مشاركته. بس مب هذا سبب هدوئي. فطوم: اونج!! يعني انتي احين بحالة السكينة هاي يالسة تحضرين ارواح؟ أم صويلح: ماصخة،، وما تعرفين تحترمين لحظات الفرح واسترجاع الذكريات! سلامة: يدووه، انت هادية من عقب المباراة اول امس، مب عادتج! أم صويلح: الله يسلمج، يوم شفت هالفرح وهالناس الي مزروا الملعب، تذكرت ايام مجدنا. فطوم: اي مجد يا حسرة؟! ام صويلح: تحسروا عليج الناس.. قولي آمين. فطوم: بسم الله على!! ام صويلح: المجد يا الخبلة في بطولاتنا الكروية،، تذكرت يوم خدينا المركز الثاني في بطولة آسيا عام 96، وتذكرت تنظيمنا الناجح لبطولة الشباب في 2003،، وتذكرت لقبنا في خليجي 18 وفرحة الناس في المدرجات اللي هزت المكان هز، ذكريات هالمجد تخلي الواحد يوقف احترام لهلبلاد وهالمنجز،، والله يحفظ عيالنا. om.sweleh@gmail.com
جميع الحقوق محفوظة لمركز الاتحاد للأخبار 2024©