آآآه يالقهر!

سلامة: وحليلج يدووه،، والله ما تستاهلين. بي بي: مسكينة ماما،، اثنين يوم مافي كلام. أم صويلح: آه ياسلامة،، آآآآآه. سلامة: ما يسوى عليج والله. فطوم: خلها،، مو هي مسويه عمرها صغيرة تطالع مباريات وتشتط مثل الشباب،، هاي النتيجة. سلامة: الوالدة،، مب من الكورة جي مستويه،، يدووه ميهودة. فطوم: لا ميهودة ولا شي،، هذا كله من سواد الويه. أم صويلح: آآآآآآآه. بي بي: أنا يحس ماما في تعب مال إنتي،، مسكينه ماما عودة،، مسكينة،، نفس الخسارة مال نحن،، مسكينة. أم صويلح: آآآآآآآآآآآه. سلامة: الوالدة،، الله يخليج دقي ع أبوي،، خله يودي يدووه المستشفى،، أخاف يصير فيها شي. فطوم: أبوج روحه من رد من الدوحة وهو مضيع،، بنوديه مستشفى أمراض نفسية. بي بي: شفتو كيف الظلم يسوي،، مسكين منتخبكم،، سيم سيم منتخب بلادي. سلامة: شو هالرمسة يا بي بي،، نحن ما انظلمنا،، بروحه مدافعنا دخل الكورة فينا. فطوم: الصراحة،، كانت حركة.... أم صويلح: آآآآآآآآآآآآآآآآآآآآآآآه. فطوم: شفتي،، يدتج مو ميهودة،، هاي مقهورة. سلامة: والله أخاف يستوي فيها شي،، كله تتنهد ومب قادرة تتكلم. فطوم: إلا الكلام،، لا تحاتينها،، بتشوفينها في مباراة منتخبكم الياية يوم الربوع مع إيران شو بتسوي فيها! أم صويلح: آه. بي بي: قومي ماما،، مافي زعلان بليييز،، إن شالله منتخب الهند بيعوض باكر،، وبنفوز على كوريا. أم صويلح: آآآآآآآآآاه. سلامة: بس ياجماعة،، ما حد يكلمها على الكورة،، خلوها في حالها. فطوم: إن شالله يكون هذا درس حقج،، وتنهدين،، هالسوالف مب زينة حق العييايز المخرفين أمثالج. أم صويلح: آآآآآآه،، محد مخرف غيرج،، الله ياخذج،، قولي آآآمين.