20 يناير 2011 22:59
نشرت صحيفة شمس السعودية مقالاً فكاهياً ساخراً يرصد الحالة التي وصلت إليها البرامج الحوارية الرياضية على هامش كأس آسيا، وبقلم أبو العريف قالت الصحيفة السعودية: “أعزائي مقدمي البرامج الحوارية حقت الرياضة.. تبونا نصدق مثلا أن هالهواش كله صدق؟ ما درينا إلا هالقنوات ما خلت لها لاعب معتزل أو لاعب احتياط إلا وجمعتهم وقالت لهم يلا ادهروا يالربع.. عندكم ثلاث ساعات بث.. والله الله بالمناقشات والزعيق، الواضح عندي أن الموضوع فيه إن، سالفة أنك تجيب أثنين وتفهمهم بطريقة ما أنهم لازم يطيحون تقطيع في بعض على طريقة خوينا فيصل القاسم، ويجونك الشباب متحمسين على هالأساس وتلاقي المذيع ينبسط عليهم كلما “قبت” السالفة بينهم أكثر، ولا يفكر يهديهم بالعكس وده يقول لهم “عطونا من هالمانشيتات القوية ترا الدعوة بيع كلام، والزبدة نبي نشهر القناة في اليوتيوب”.
وأكمل المقال: “تجي أنت يا مشاهد يالطيف يقال لك تبي تسمع تحليل فني وما تشوف الا واحد يقول للثاني “فرحان لي بدفتر أبو أربعين اللي في يدك” وهذاك يرد عليه “من زين جاكيتك هذا أبو وجهين”، أجل البرنامج توه بادي ويجيك أول متحدث يخش بعين واحد جالس في أمان الله ويقول له “كلامك اللي قلته فيه حقد على اللاعب وتحامل على الفريق”.. يرد عليه: “طيب أنا ما تكلمت.. أصلا أنا المخرج”، ويجيه الرد من المحلل المتحمس: “لو سمحت لا تقاطعني.. أنا ما قاطعتك”.
المصدر: دبي
عدد اليوم
