زاد الجفا حتى وصل لين الأحلام **** وما عدت اشوفك زايرً في منامي
واحترت ف أمرك هاجرني من العام **** لين أختفى أسمك مابين الأسامي
كني أطارد ظل غيمه فلا دام **** غيمه يزاغيها يمانيي وشامي
أو كنك إنته طيف ساكن في الاوهام **** في قلب شاعر به جنون الهيامي
خذني معاك وخلني عنك جدام **** ستر وغطا يحميك والوقت حامي
وارجع لمن يغليك يا وحش الآرام **** مادام لك فرصه ع جذب إهتمامي
لأني إذا صديت في دور الايام **** حرً وخرط منك سبوقه وحامي
ماترده الصيحه مدبر ولا رام **** حدً يرده واختفى في الغمامي