الخميس 28 مارس 2024 أبوظبي الإمارات
مواقيت الصلاة
أبرز الأخبار
عدد اليوم
عدد اليوم
الرياضة

مثلث النكد

مثلث النكد
7 يناير 2009 01:22
صالح: أمي ليش محرجة·· مافي مباريات اليوم، المفروض تكوني مرتاحة! أم صويلح: من وين بتيي الراحة·· وناس متسلطة علنا·· ما تبغينا نفرح! صالح: منو تقصدين أمي؟ أم صويلح: زوجتك وبن همام وميتسو· صالح: وشو العلاقة بين الثلاثة؟ أم صويلح: النكد·· صالح: بالنسبة لفطوم انا واثق من هالشي· لكن ليش بن همام وميتسو؟ أم صويلح: ميتسو يقول إن لقب كأس خليجي 18 كان له·· مب لمنتخبنا، وبن همام يبغي كأس الخليج كل أربع سنوات! أم صويلح: عنبوا·· شو الشي الي يجمعنا في مناسبات شعبية كخليجيين غير كأس الخليج·· هذا والسالفة كلها اسبوعين كل سنتين! عافانا الله· صالح: ماضنى يسوونها· أم صويلح: كل شي يسوونه·· مو كفاية نظام المجموعتين هالماصخ الي ما يخلينا نلعب مع خوانا·· كيف نسير مسقط وما نلعب مع عمان، كيف ما نلعب مع الكويت والبحرين·· كيف عيل بطولة أخوية!·· وأحين يقولون كل اربع سنوات!! (تدخل فطوم) فطوم: صدق والله·· بيسوون كأس الخليج كل أربع سنوات؟ أم صويلح: مو أقولك·· حياتها النكد· فطوم: صراحة فكرة حكيمة·· لييييش هالحـشــرة كل سنتين·· ما يمدينا نستريح! أم صويلح: وحليلج وايد تتعبين·· تراج تنظفين المدرجات عقب كل مباراة! صالح: استهدي بالله يامي·· ما عليج منها، خلنا في ميتسو·· يقول إنه ما قايل جي! أم صويلح: هم يقولون بدون ما يحسون·· تصدق انه مب متكلم عن منتخبنا بس،، بعد في الدوحة محتشرين عليه·· قال فترة 8 أيام تدريب للمنتخب القطري مب كفاية لحصوله ع الكاس· صالح: هالتصريحات توتر الجو·· وتضايق الجمهور· أم صويلح: لكن العنابي ماشالله عليه ما تهزه هالخرابيط· فطوم: ماشالله عليج خالتي·· مركزة علي كل الأصعدة·· مب منج·· من هالبرامج الرياضية اللي تفرفرينها طول الوقت·· ما خليتي قناة فضائية إلا وخذتي بريك فيها· أم صويلح: تعرفين يا فطوم·· أحسج تشبهين واحد في برنامج الشوط الخليجي علي قناة دبي الرياضية·· مثلج جي·· بس يدور المشاكل! صالح: تصدقين امي·· فعلا تشبهه·· ووايد بعد·
جميع الحقوق محفوظة لمركز الاتحاد للأخبار 2024©