الخميس 28 مارس 2024 أبوظبي الإمارات
مواقيت الصلاة
أبرز الأخبار
عدد اليوم
عدد اليوم

ارفعوا البيرق

ارفعوا البيرق
14 سبتمبر 2015 02:17
الوطن غالي وردوا له الخبر يا شباب أهل الوطن يا عيال زايد المراجل والشهامة والظفر ساسكم يا أهل الوطن ولْكم عوايد ما تهابون المعارك والخطر ترخصون الروح في النار الوقايد امسكوا الحوثي واسقوه القهر من كفوفٍ ضربها فعلٍ وكايد وارفعوا البيرق على سطح القمر وابرزوا تاريخكم يا عيال زايد واكتبوا التاريخ بالدم الحمر فالشهادة منزله روس النوايد والشهيد اللي فعوله تنذكر راح عند الله في جْنان الخلايد وارفعوا الرايه لأبو خالد شكر درعكم لي جات لأيام الشدايد الزعيم اللي بفعله نفتخر وله تواريخٍ تصدر في الجرايد حقه البيضا ونثني له شكر وكل مزيونه تعبّر له قصايد نطلب المولى يمدّ له العمر واحفظه يا ربّ أعوامٍ عدايد وبالختم صلوا على سيد البشر عد ما صلوا المصلين بمسايد وعد ما هلت مزونٍ من مطر وعد ما لجت بروقٍ بالرعايد نورة عايض ناصر الأحبابي
جميع الحقوق محفوظة لمركز الاتحاد للأخبار 2024©