25 يناير 2011 23:42
بي بي: كله كلام كلام كلام.. واااجد كلام.. إيش هذا،.. إنتي ما يتعب من الكلام؟
فطوم: ماناقص إلا إنتي!!.. بشكارة ومب عايبنها بعد!
أم صويلح: الحرمة معاها حق.. تراج صدعتي راسها وراسي. مب راضية تصخين من أمس.
سلامة: الوالدة إنتي ليش شي تسوين؟!.. خلاص ما باقي شي.. انتهت البطولة.. وربعنا روحوا.. ليش ما تبغين تهدين شوي.
فطوم: والله!! صدق!!. عكيفكم انتم تخلصون السوالف وتفتحونها وقت ما بغيتو!.. تعالو ناقشوني.. ليش طلعتو من البطولة؟
أم صويلح: هذا ع اساس إنج عضو في إتحاد كرة القدم الاماراتية وبتحلين مشاكل الكورة!
فطوم: هذا الي احصله منج.. طنازة في طنازة.. أصلا إنتم....
بي بي: ماما.. خلاص أنا تعبت .. أنا ما يريد يسمع كلام.
فطوم: ايلسي ولا تتحركين.. يوم أرمس.. الكل لازم يسمع.. أنا بعدني ما قلت كل رأيي بخصوص أنديتكم التعبانة.. بعدني ما قلت شي بخصوص المدربين والحكام....
أم صويلح: وحليلها فطوم.. حتى الحكام بترمس عنهم!
فطوم: مو استغنو عن الحاكم القطري لأنه ظلم العراقيين.. لازم نوحد جهودنا ضد التحكيم الظالم في كل البطولات... ولازم
أم صويلح: لا لا لا.. في شي مب طبيعي اليوم.
سلامة: الوالدة شو بلاج.. يدووه الحقي عليها..
بي بي: فطوم سيم سيم مال انتخابات.. كله كلام كلام..أوووف
سلامة: أخاف الوالدة استوى فيها شي..
أم صويلح: لا لا.. لا تحاتين.. إذا تقصدين إن أمج تخبلت.. ما أضني.. لأنها أصلا خبلة من يومها.
عدد اليوم
