سلامة: سلامتج يدوو، الف الف سلامة عليج، ماتستاهلين والله·
بي بي: (تبكي)·· سلامات ماما، سلامات·
أم صويلح: شو بلاكن انتن الأثنين، ما مستوى لي شي، عادي، أنا زينة، لا تكبرون السالفة، شوي وتصيحوني على عمري·
فطوم: يعني كيف عادي، هالإلفنونزا مب زينة لحرمة عيوز مثلج، يعني كان لازم تشاركين في المسيرة، وتهتفين بعد·
أم صويلح: أنا إذا استوى لي شي كايد، ترا منج يا بنت وديمة، انتي شو يعيبج، لا كورة ولا تشجيع ولا مسيرة، عافانا الله، إنتي متى تفرحين؟
فطوم: إذا استوى بج شي فهو من أفعالج، ما تبين تتصرفين مثل إلي في سنج·
أم صويلح: سلامة، قومي شلي أمج من ويهي، وفكيني من حشرتها·
فطوم: بروحي بسير· لكني احاتيج، وخصوصا أني متوقعة أنه المرض بيزيد عليج، وبتطيحين في جبذي وخصوصا بعد مباراتنا اليوم!!
أم صويلح: سلامة، يبي التلفون، أنا بدق على صويلح الحين، بنت وديمة قررت تذبحني·
سلامة: حرام عليج يامي بسج عاد، يعني مب كاسرة خاطرج؟!
أم صويلح: وليش ينكسر خاطركم على إن شاء الله؟، اليوم بستوي زينة، وبشارك بعد في المسيرة، بس خبري أمج مو ترتز وتقول بيي وياكم·
فطوم: الحمدلله، زين بعد ما قلتي بسير أشجع وانتي طايحة جي·
أم صويلح: فديت عمره، خالد حرية، ضامنة أنه ما بيقصر، الباجي على المب ضامنة عمرها وتسير المباراة بس عشان تراقب ريلها·
فطوم: انا؟؟؟ حشى علي، والدليل أني ما بسير اليوم·
أم صويلح: هع هع هع ،، يوم عرفتي أن الغاويات وحليلهن ما بيين، بعد ما طلع العراق·
ترررررررن تررررررررن (نقال ام صويلح يرن)
أم صويلح: هاي زكوي، فديت عمرها، أطلعوا،، خلوني أرمس ويا ربيعتي، ظروفنا اليوم وااااااااايد صعبة، وما نبغي حد يخرب علينا·
عدد اليوم
