أبو صويلح: شو هالفرحة اللي انتي فيها؟
أم صويلح: آآآآه يا أبو صويلح، لو شفت الكآآآآس، لو شفت الناس· بلادي فازت·
أبو صويلح: نحن دوم فايزين بإذن الله·
أم صويلح: لو شفت المسيرة، لو شفت عيالنا، ماحد رقد من الفرحة· حتى فطوم بنت وديمة، فرحت، أول مرة أسمعها تضحك وتصارخ، كلمتني بالتلفون وباركتلي في الاستاد· آآآآم يا بوصويلح لو··
بي بي: ماما ماما·
(انتهى حلم أم صويلح)
بي بي: ماما،، بس خلاص قومي، انتي نايمة وأنا مافي نوم من أمس، خلاص ماما،، أنا واجد تعبانة·
أم صويلح: الله يغربلج إن شالله، فزعتيني، غفيت وأنا يالسة، أعوذ بالله· أقولج خلصتي الهريس·
بي بي: أنا تعبانة ماما يريد ينام الحين·
أم صويلح: ما في رقاد،، لا تحلمين، أقولج احلمي وأنتي واعية مثلي، هذا عرس يالخبلة، من متى نرقد في أعراسنا، الإمارات كلها واعية من أمس، هذا الكآآآآآآآس، آآآآآه يابو صويلح، الله يرحمك·
(تلفون أم صويلح يرن)
أم صويلح: هلا والله زكوووي ، ليش صوتج منبح جيي؟
(زكوي)··
أم صويلح:أتهبين، مالج سيرة، ثلاث ليالي عندنا، عقب برايج·
(زكوي)··
أم صويلح: عن الخراطة·· لا تخليني أقول إنج غيرانة، مالج سيرة·· خلاص أنا وصويلح بنردج عمان·
أم صويلح: فديت عمرج والله جي أباج·
(بعد ساعة)
سلامة: يدووو يدو أيش رايج نقول لبوي يجيب لنا كيكة عوووودة عليها صورة إسماعيل مطر؟
أم صويلح: لا لا صورة ميتسو ·
سلامة: لاااااا إسماعيل مطر·
أم صويلح: خلاااااااااااااااص، بنحط علم الإمارات·
عدد اليوم
